musika

Musikaz blai dator asteburuko agenda Euskal Herrian. Ostiralean, Deslai eta Sarkorren doinuek girotuko dituzte Gernikan Lurgorriko festak. Hondarribiako Truck aretoak Kasernaraten emanaldia hartuko du. Era berean, Zarauzko Azken Portuko auzoan, Luz de Pautas, The Amendoins eta Skasti izango dira entzungai.

Donostiako Aste Nagusiak larunbatean ipiniko du martxan egitaraua. Hala ere, Gipuzkoako hiriburutik kanpo ere proposamen ugari aurkituko ditugu. Altsasuko gaztetxean, esaterako, honako talde hauek arituko dira zuzenean: Tex & Sun Flower Seed eta Caribbean Dandy Selecta. Hueccok eta Sin Rumba Fijak, bestalde, Erandiora egingo dute bisita. Amurrion, Itziarren Semeak eta Sarkorren txanda izango da. La Pegatina eta Trikizioren abestiak gustukoago dituztenek Gueñes aldera egin dezakete txangoa.