musika

Fermin Muguruzak kontzertua eskainiko du gaur arratsaldeko 16:00etan Donostiako kaian. Piraten Kolektiboak 10. urteurrena ospatuko du aurten; hori dela eta, musikari irundarraren emanaldi berezia iragarri dute.

Azken urteotan agertokietatik kanpo ibili da. Zuloak proiektuarekin lanean aritu da buru-belarri, neskaz osatutako musika talde baten ibilbidean oinarritutako dokumentala ekoizten. Emaitza Donostiako Zinemaldian estreinatuko dute, eta urriaren 5etik aurrera izango da ikusgai zineman.