musika

Alicia Keys abeslariak erabaki du disko berriari jarriko dion izena: Girls on Fire. Oraindik ez du argitu noiz kaleratuko duen. Hori bai, argi utzi du guztiz eraberrituta datorrela, eta sorpresa ugari iragarri ditu.

Grabazio lanetan ari da orain New Yorkeko estudio batean. Emaitza osoa entzun aurretik, ''New Day'' kanta aurkeztu du aurrerapen gisa. Zenbait lagunen parte hartzea ere izango du diskoan, baina oraingoz ez dago informazio gehiago.