musika

Irailaren 1ean hasiko diren San Antolin jaietarako egitarau zabala prestatu dute aurten Lekeitoko Udalak eta Txosna Batzordeak. Bebe abeslariak Konpainiako Elizan emango duen kontzertu akustikoa izango da jaietako zuzeneko nagusia. Kantari valentziarra irailaren 6an helduko da Lekeitiora.

Baina horrez gain, beste hainbat emanaldi egongo dira iraileko lehenengo astean. Hilaren 3an adibidez, Kraussk, nessum Dorma, Siroka eta Joxpa taldeen musika entzungo da txosnetan eta Konpainiako Elizan Anarik kantatuko du.

Bestalde, irailaren 7an Governors, Anai-Arrebak, Antton eta Iheskide arituko dira eta jaietako azken egunean, irailaren 8an, Mc Onak, Zea Mays eta Ska Keitan taldeek joko dute.