musika

The Hives talde suediarra Barakaldoko RockStar Live aretoan arituko da datorren irailaren 28an. Gainera, Gazteak babestuko du 1993an Fagerstan jaiotako modako rock talde honen zuzenekoa.

Barely Legal diskoari esker egin zen ezagun The Hives eta azken urteetan sekulako arrakasta lortu du. Bost urteko atsedenaldiaren ostean, ekainean estudioko lan berri bat kaleratu zuten: Lex Hives.

Barakaldoko kontzertua

2010ean Azkena Rock jaialdian jo ostean, aurki berriro Euskal Herria bisitatuko du boskote suediarrak.

Emanaldia 21:30ean hasiko da eta 20:00etarako irekiko dituzte RockStarreko Liveko ateak.

Sarrerak

Sarrerak salgai daude jada, 25 eurotan. Txarteldegian 30 euroko prezioa izango dute.

Ticketmaster Sarean, 902 15 00 25 telefonoan, FNACen, Carreforreun eta Halcon Bidaiak bulegoetan eros daitezke sarrerak.