musika

Billboard aldizkariak jakitera eman duenez, Rolling Stones taldea agertokietara itzuliko da aurki. Dena den, lau kontzertu baino ez ditu emango; guztiak, azaroan.

Hain zuzen ere, Londreseko O2 Arenan bi zuzeneko eskainiko dituzte Mick Jagger eta bere taldekideek eta beste biak Brooklyngo Barclays Centerren izango dira.

Duela hilabete batzuk udazkenean Rolling Stonesek bere 50. urteurrena ospatuko zuela aurreratu zuen Mick Jaggerrek eta uztailean Keith Richardsek iragarri zuen taldea hurrengo kontzertuetarako prestatzen zebilela.

Gainera, aste honetan bertan Jaggerrek grabazio estudioetan ateratako argazki bat eskegi zuen Twitterren.