musika

Larunbat honetan izango da Bonberenea Sutan jaialdia. Bi urtean behin antolatzen duten ekimenaren hirugarren edizioa da, eta bost taldek hartuko dute parte. Berri Txarrak talde nafarra izango da kartelburua. Horrez gain, Matxura, Gose, Glaukoma eta G.A.S. Drummers andaluziarrek osatuko dute Tolosako egitaraua. Gose talde arrasatearrak izan du kanta ofiziala egiteko ardura.

Bonberenea futbol-zelaiko atea 19:00etan irekiko dute, eta 20:30ean hasiko da musika-festa. Sarrerak abuztuaren 1etik aurrera erosi ahal izango dira helbide elektroniko bidez, 15 euroren truke.