musika

Azaroaren 6an iritsiko da merkatura Aerosmith taldearen Music From Another Dimension lana. Steven Tylerren taldearen estudioko hamabosgarren diskoa izango denak abesti berriak soilik jasoko ditu.

Los Angelesen eta taldeak Massachusettsen duen estudioan grabatu dute diskoa eta Jack Douglasek, Steven Tylerrek eta Joe Perryk ekoitzi dute. Gainera, lan honek Tylerrek eta Marti Frederiksenek egindako hiru abesti jasotzen ditu.

Iragan astean "What Could Have Been Love" kantua aurkeztu ziguten, baina, guztira 15 abesti bildu dituzte Music From Another Dimensionen. Horietako bat ("Freedom Fighter") Johnny Depp aktorearekin grabatu dute.