musika

Ikaragarria da Arctic Monkeysek Britainia Handian eragiten duen ikusmina eta musika aldizkariak etengabe ari dira talde honi buruzko zurrumurruak iragartzen. Azkena, aste honetan bertan Twitter bidez zabaldu da. Aipatutako sare sozialean esaten denaren arabera, laukote britainiarra Kaliforniara bidean da, Humburg diskoa grabatu zuten estudioan sartzeko. Zurrumurruek diotenez, han grabatuko dute estudioko bosgarren diskoa.

Urte hasieran Alex Turnerrek Artrocker aldizkarian hurrengo diskoari buruzko egitasmoak adierazi zituen: "Bide berdinetik jarraituko dugula uste dut, soinu astunagoak aukeratuz. Gure hurrengo proiektuak R U Mine lanaren norabide berdina jarraituko du".