musika

London Basque Solidarity Sound System jaialdia euskal kulturaren eta euskal musikaren lekuko bihurtuko da datorren azaroaren 24an.

Izan ere, "Elkartasun doinuak, Euskal Herritik" lelopean festa erraldoia egingo da Londresen hainbat musika talderen laguntzarekin. Hain zuzen ere, Su Ta Gar, Governors, Zea Mays, Siroka, Kop, Vendetta, Hesian, Ze Esatek!, Lain eta Itziarren Semeak arituko dira Ingalaterrako hiriburuan bi hilabete barru.

Gainera, Txan magoa eta Miren Amuriza eta Xabier Silveira bertsolariak egongo dira han.

Jaialdirako sarrerak eta informazioa webgune honetan aurki ditzakezue.