musika

Garai batean ogibide “normalei” esker bizi ziren egun ospe handia duten artista asko; pop munduko erregina, Madonna, esaterako, Dunkin’ Donuts batean ibili zen lanean gazte zela. Ez da, ordea, tankera horretako multinazionaletan lan egin duen artista bakarra. Shania Twainek eta Pinkek, adibidez, McDonald’s batean lortu zituzten lehen soldatak.

Jon Bon Jovi eta Freddie Mercury (Queen taldeko abeslaria), besteak beste, denda batean saltzaile lanetan ibili ziren. Azken horrek bertan ezagutu zuen Brian May gitarrista.

Gure izarrak, baina, ez dira ohiko lanbideetan bakarrik aritu. Ozzy Osbourne, esaterako, hiltegi batean ibili zen, eta Elvis Presley kamioilari lanetan zebilen bere amarentzat bere lehen bi kantuak grabatu zituenean. Brian Johnsoni (Bon Scotten ordezkaria AC/DC taldean), musika gogorra gustatzeaz gain, esperientzia gogorrak ere gustatzen zaizkio antza, parakaidista lanetan ibili baitzen gaztetan.