musika

Hilabete falta da Extremoduro taldearen Robando perchas del hotel bira Euskal Herrira iristeko eta dagoeneko agortuta daude Barakaldon eskainiko duen kontzerturako sarrera guztiak. Hain zuzen ere, urriaren 20an BECen izango da "Robe"-ren taldea eta aurretik En Vivo jaialdian arituko da, besteak beste.

Espainiar Estatutik egiten ari diren bira bukatutakoan, Latinoamerika bisitatuko dute. Abenduan, Santiago de Chilen, Buenos Airesen, Rosarion eta Montevideon joko dute.

Bartzelonako eta A Coruñako zuzenekoetarako sarrerak ohiko salmenta tokietan daude salgai. Gainerako kontzertu guztietarako sarrerak agortuta daude jada.