musika

Laugarren urtez jarraian, Bilbao BBK Live jaialdia European Festival Awards sarietarako hautagaien artean dago. Aurreko urteen aldean, ordea, aurtengoan ‘Edukiera Handiko Jaialdi Onena’ren saria lortzeko lehian izango da Last Tour Internationalek antolatutako musika kontzertu sorta.

Internet Virtual Festivals atariaren eta Yourope, Jaialdi Europarren Elkartearen eskutik ospatuko da sari banaketa urtarrilaren 9an Groningenen, Herbehereetan. Lehen bozketan botoa emateko epea zabalik dago azaroaren 7ra arte eta kategoria bakoitzeko irabazlea Herbehereetako Eurosonic Noorderslagen jakinaraziko da. Boza emanez gero, gainera, iPad 3 bat eta jaialdi irabazleetarako 2 sarrera VIP lor daitezke.

Aurtengo Bilbao BBK Live jaialdiak ere sekulako jendetza bildu zuen: 110.000 lagun bertaratu ziren 3 egunetan. Arrakasta horren erakusgarri da izendapen hau ere.