musika

2010ean Gazteako Maketa Lehiaketa irabazi zuen Enkore taldeak ez du atsedenik hartzen eta, aurreikusitakoaren arabera, datozen asteotan Berri Txarraken eta Su Ta Garren kontzertuetako talde gonbidatua izango da.

Hain zuzen ere, urriaren 19an Aitor Gorosabelen taldearekin batera arituko da Durangoko Landako gunean eta urriaren 27an Berri Txarrakekin joko du Azkoitiko frontoian.

Dakizuen bezala, Gorka Urbizuren taldea Becatu jaialdian ere arituko da, azaroaren 10ean, eta astebete lehenago, azaroaren 2an, Irurtzungo Pikurock festibalean.