musika

Akatu taldean aritu ostean Jon Basagurenek bakarkako ibilbideari ekin zion eta Izaki Gardenak taldea da eskuartean zuen proiektuaren emaitza.

Joseba Baleztenak (Sexty Sexers, Sumision City Blues, Joseba B.Leinor), Libe Garcia de Cortazarrek (Neubat, Sorkun, Libe), Iker Fernandezek (Akatu, Virenque) eta Eneko Lezak (Khous, Virenque) osatu dute taldea eta pop eta rock doinuak lantzen dituzte, ahotsari garrantzi berezia emanez.

Bost abesti bildu dituzte Itsasargiak diskoan eta Iñaki Llanaren laguntzarekin grabatu dute lan berria.

Hurrengo kontzertuak:

Azaroak 7: Gasteizko Elkar megadendan

Azaroak 10: Hala Bedi Rock Gaztetxean, Gasteizen

Azaroak 23: Iruñean, Terminalen

Abenduak 6: Ahotsenean, Durangon