musika

Larunbatean Barakaldoko RockStar Live aretoan jo zuen Scissor Sisters taldeak eta egun batzuk lehenago Londresen aritu zen. Han denbora batez agertokietatik kanpo egongo direla iragarri zuten taldekideek. Dirudienez, mugagabea izango da atsedenaldia.

"Denbora luzez ez gara berriro Londresen izango", adierazi duen JaKe Shearsek. Dena den, banaketa ez dela behin betikoa izango erantsi du taldeko abeslariak Twitterren: "Eskerrik asko zuen maitasunagatik, eta ez arduratu, ez baikara betirako agurtuko. Konturatu orduko bueltan gara berriro".

Ildo horretan, oraingoz ez dutela disko berririk grabatzeko asmorik zehaztu du taldeak, agertokietatik kanpo egongo direla gaineratuz.

Bien bitartean, Del Marquis gitarra-jotzaileak bakarkako ibilbideari ekin dio.