musika

Russian Red abeslaria Barakaldoko Rockstar Live aretoan arituko da zuzenean abesten, bihar. Ikuskizun berezia prestatu du; izan ere, The Beatles taldearen arrakasta ezagunenak ekarriko ditu agertokira, bi ordu inguru iraungo duen emanaldian.

Fuerteventura diskoarekin lortutako arrakastaren ostean, proposamen berria taularatu nahi du madrildarrak bira horren bidez. Liverpooleko laukotearen Revolver laneko abestiak izango dira protagonista: "Taxman", "Eleanor Rigby", "I’m Only Sleeping", "Here There and Everywhere", "Yellow Submarine" eta "Got to get you into my life", besteak beste.

Kontzertuetarako sarrerak 13 euroren truke daude eskuragai, Ticketmaster sarean, FNACen, Carrefourren eta Halcon Bidaiak agentziaren bulegoetan. Horrez gain, telefonoz ere erosi daitezke (902 15 00 25).