Gaurko hauteskunde-eguna oso euritsua datorkigu, Euskalmet Euskal Meteorologia Agentziaren arabera. Horrela, gaur giro goibel eta freskoarekin jarraituko dugu. Aurreko egunetan bezala zerua lainotuta egongo da eta zaparradak botatzeko arriskua handia izango da.

Gainera, ipar-haizea ibiliko da eta termometroetan 14-17º ikusiko ditugu. Arratsaldeak aurrera joan ahala atertzeko joera hartuko du eguraldiak eta jada gauean, hego-haizea ibiliko denez, ez du ia ezer botako.