EAEko%20hauteskundeak%202012%20|%20EITB%20Hauteskunde%20Autonomikoak

EAEko Hauteskundeak

EAEko Hauteskundeak

Elkarrizketa

Ortuzar: 'Indartsu gaude bakarrik gobernatzeko'

Erredakzioa

2012/11/02

Edonola ere, jeltzaleek ez dute Jaurlaritza osatzeko aukerarik baztertu, EAJko BBBko presidenteak Radio Euskadin azaldu duenez.

  • Andoni Ortuzar Radio Euskadin. Argazkia: EITB

    Andoni Ortuzar Radio Euskadin. Argazkia: EITB

Iruzkinak

EAJk ez du Jaurkaritza osatzeko aukerarik baztertu, baina bakarrik gobernatzeko adina indartsu sentitzen da. Hala azaldu du Andoni Ortuzar EAJko BBBko presidenteak ''Boulevard'' Radio Euskadiko saioan egin duen elkarrizketan.

''Ez dugu jaurlaritza osatzeko aukerarik baztertu, baina ez gara bakarrik gobernatzeko beldur. Ideia eta indar nahikoa dugu'', azaldu du.

Joan den astean egindako lehen bilera sortan beste alderdiei helarazitako proposamenak erantzun positiboa jasotzen badu, bigarren bilera sorta ''tekniko'' bat aurreikusi du BBBko buruak. ''Ematen du Euskadin giro politiko berri bat dagoela, eta berori aprobetxatu nahi dugu'', gaineratu du.

Jaurlaritza berria ahalik eta arinen martxan jarri nahi dutela berretsi du Ortuzarrek. ''Ekonomia, krisia eta enplegua dira gure lehentasunak', esan du.

Halaber, gobernu formula gorabehera, krisia gainditu, bakegintza sendotu eta estatus politiko berria sustatzeko helburuarekin beste alderdiekin akordioak lortzeko asmoa berretsi du Ortuzarrek.

Autogobernua

BBBko buruaren hitzetan, PPk ''kabestruak kendu'' behar ditu, eta autogobernuan aurrera egiteko euskal gizarteak egindako ''oihua'' entzun behar du.

Ortuzarren ustez, urriaren 21eko hauteskundeek agerian utzi dute ''egungo egoerarekin eroso ez dagoen gehiengo bat'' dagoela, eta gehiengo horrek ''autogobernu maila handiagoa'' nahi duela.

Ildo horretan, Ortuzarrek argitu du EAJ ez dagoela Kataluniara edo Eskoziara begira. ''Hauteskundeen emaitzetara gaude begira'', gaineratu du.

Aurore Martinen atxiloketa

Ortuzarren ustez, ''harrigarria'' izan da Aurore Martin atxilotzea, eta ''dagoeneko gainditu dugun'' aro bati dagokion Alderdien Legearekin lotu du. Halaber, jeltzaleak ez du uste atxiloketak ezker abertzalea legez kanpo uzteko aukerari ateak irekitzen dizkionik. Haren ustez, aukera hori ''onartezina'' litzateke joan den hauteskundeetako emaitzen ondoren.




Iruzkinak

Publizitatea
Publizitatea

HAUTESKUNDE AUTONOMIKOAK

Zenbatuta Hasi gabe

Eserlekuak guztira - 75

Gehiengo absolutua - 38

2009
  • Parte-hartzea
  • Hasi gabe

EMAITZEN BILATZAILEA

  • LURRALDEA

  • UDALERRIA

Datuak: Herrizaingo Saila. Eusko Jaurlaritza


HAUTESKUNDEAK HAUTESKUNDEAK EAEko hauteskundeei buruzko webgune berezia
 
Publizitatea
Publizitatea

Publizitatea

Ikusiena



© EITB - 2013 - Lege Oharra

EiTB TALDEA - Kontaktua - Web mapa

#-ent_adh_conf_online-#