Euskadi Irratia

Jexuxmai Lopetegi musikari eta abeslari zarauztarra izango da asteleheneko gonbidatua Euskadi Irratiko "Aperitifa" irratasaioan. Oso gaztetandik izan du musikarekin hartuemana. Bere anaia zaharraren musika taldean lehenengo eta berak sortutako Sasi taldean geroago, eman zituen musikagintzako lehen pausuak.1984an Akelarre taldean Anje Duhalde ordezkatzeko aukera eman zioten. Baita onartu ere, zortzi urte egin zituen bertan abeslari. Geroztik makina bat lan kaleratu ditu bakarlari gisa, baita beste musikari batzurekin kolaboratu ere, Kepa Junkerarekin esate baterako. Musikariaz gain, musika irakasle ere bada Jexuxmai hainbat ikastetxetan.