Euskadi Irratia

Udako oporraldiaren ondoren hartu dugun indarberrituari nola eutsi luzaroan. Horretarako klabeak emango ditu Joseba Tutor coaching irakasleak larunbateko 'Amarauna' saioan.  Bestalde, azken asteetako mugimendu ekonomikoez mintzatuko da Oskar Arantzabal ekonomilaria, eta etxeko ekonomiaz familia ugariko gurasoa.

Modaren atalean, Iraia Oiartzabal diseinatzailea ezagutuko dute, Donostiako kaleetarako prestatu duen bainujantzien kolekzioaren karietara. Dani Lasak, Mugaritzetik, kontserbak egiteari buruz hitz egingo du eta Veneziako Zinemalditik bueltan, Lucia Baskaranekin Donostiako Zinemaldiari begira jarriko dira.

Goizeko 10etatik eguerdiko ordu batera dago entzungai 'Amarauna' saioa, Arantxa Arzak gidatuta.