Beste kirolak

Alex Corretjak Davis Kopan Kazakhstanen kontra jokatuko duen taldea zein jokalarik osatuko duten iragarri du astelehen honetan. Hautatuak Nicolás Almagro, Marcel Granollers, Juan Carlos Ferrero eta Marc López izan dira.

Davis Kopako taldeak Oviedon jokatuko du lehenengo kanporaketa, Kazakhstanen kontra, otsailaren 10etik 12ra. Corretjak lau jokalari hauek “talde oso ona” osatzen dutela esan du, baina badaki kanporaketa “oso gogorra” izango dela.

Bestalde, Corretjak Kazakhstaneko jokalarien maila oso altua dela adierazi du eta, horrez gain, “txapeldunaren kontra” jokatzen dutelako oso arriskutsuak direla aipatu du.