Futbola

Bizkaitarrak seigarren postuan jarri dira Getaferen aurka puntu bakarra lortu eta gero eta Eurpa League postuetan kokatu dira. Athleticek hiru puntuak lortu izan ahal ditu baina Orbaizek ikusitako txartel gorriak eta sorte txarrak ez dute lagundu garaipena lortzen.

Zuri-gorriek gogotsu hasi zuten partida, baloiaren kontrola zaintzen eta lehen bi minutuetan jada bi aukera sortu zituen. Caparrosen mutilek hiru korner izan zituzten aukera gehiago sortzeko baina ez zituzten Codinaren irteera txarrak aprobetxatzen jakin. Codina, izan ere, beroketa saioan lesionatu zen Ustariren ordez sartu zen hamaikakoan. 13. minutuan, Orbaizek, areatik kanpoko jautiketa baten bidez lortu zuen 1-0ekoa Athletic aurretik jarriz.

Bilbotarrek sakatzen jarraitu zuten eta baloiaren jabetza mantentzen saiatu ziren. Hala ere, Michelen taldea gora etorri zen eta Parejok partida berdintzeko aukera huts egin zuen. 1-1ekoa, 31. minutan lortu zuen Manu del Moralek erdiraketa-jaurtiketa baten ondoren, Mikel San Jose ez baitzen heldu baloia urruntzera. 36. minutuan, Athletic 10 jokalarirekin gelditu zen Orbaizek txartel horia ikusi zuelako Cortesi ostikada bat eman eta gero. Erdilari nafarra, lesionaturik joan zen gainera aldagelara. Atsendeladira, zuri-gorriak hamarrekin joan ziren eta berdinketarekin markagailuan 1-1.

Bigarren zatian, partidak antzera jarraitu zuen, bi taldeak erasora joan baitziren eta baloiaren kontrola ez zuelako talde batek ere ez lortu. Iraizozek geldiketa garrantzistu bi egin zituen Getferen aurrelarien jaurtiketei baina madrildarrak ez ziren asko hurbildu Athleticen atera. 76. minutuan, Getaferen atzelariek akats bat egin zuten eta Susaeta area barnera sartu zen penaltia jasoz. Miguel Torresek txartel gorria ikusi zuen Susaetari penaltia egiteagatik eta bi taldeak 10 jokalarirekin gelditu ziren. 2-1eko, Llorentek egin zuen penaltia sartuz. Hala ere, Michelen taldea ez zen behera etorri eta Pedro Leonek 2-2koa jarri zuen 85. minutuan, sorte apur batekin. Amaieran, Llorentek hirugarren gola egin ahal izan zuen baina bere jaurtiketa Codinaren atetik gora joan zen desbideraturik.

- Fitxa teknikoa:

Athletic Club: Iraizoz; Iraola, San Jose, Amorebieta,Castillo; Gurpegui, Orbaiz, Javi Martinez, Gabilondo (Muniain,min.46); Toquero (Susaeta, min.75) eta Llorente.

Getafe CF: Codina; Cortes (Adrián, min.83), Miguel Torres,Rafa, Mane; Boateng, Casquero; Pedro Leon, Parejo (Manu, min.83),Manu del Moral (Gavilan, min.70); eta Miku.

Golak: 1-0, min.13: Orbaiz. 1-1, min.32: Manu del Moral. 2-1,min: 78: Llorente, penaltiz. 2-2, min.85: Pedro Leon.