Futbola

Datorren maiatzaren 25ean Errege Kopako finala jokatuko dute Athleticek eta Bartzelonak Madrilen, baina Bilbon ere era bikainean pasa ahalko dute eguna zaleek. San Mamesen eta Casillan egongo diren pantaila erraldoiez gain, hiriko beste hamar gunetan ere kokatuko dira pantaila horiek. Hala baieztatu du Bilboko Udalak.

San Mamesera 30.000 pertsona inguru gerturatuko dira finala ikusteko eta Casillan ere lau mila bat pertsona itxaroten dira. Bilboko Areatzan ere jende pila espero da Txairen eta Celtas Cortosen kontzertuak egongo baitira.

Bilboko Udalak jakinarazi du hainbat puntutan zirkulazioa eten egingo dutela eta garraio zerbitzuak indartuko dituzte finaleko egunerako. Segurtasuna bermatzeko, 90 udaltzainek osatutako dispositiboa prestatu du Udalak. Arriaga plazan osasun zentroa jarriko da larrialdiak artatzeko. Partida amaituta 50 pertsonak osatutako garbiketa zerbitzua jarriko da martxan.