Futbola

Koikili Lertxundi ezker hegalekoaren fitxaketa baieztatu du gaur Mirandesek. Horrela, jokalariak Athletici agur esan dio eta datorren astean aurkeztuko dute Mirandan.

Burgoseko taldeak Otxandioko atzelariaren fitxaketa baieztatu du. Mirandesen laugarren fitxaketa da Goiria, Ivan Crespo eta Iñigo Diaz de Ceriorenaren ostean.

Diaz de Cerioren kasuan bezalaxe, Koikili Athleticetik helduko da. Azken bost denboraldiak elastiko zuri-gorria jantzi du atzelariak.

Marcelo Bielsa San Mameseko aulkira heldu eta 31 urteko atzelariak ez du minutu askorik jokatzeko aukera izan. Horrela, Mirandesen eskaintza onartzea erabaki du hegalekoak.