Futbola

Realak 1-1 berdindu du Murtziaren aurka Condominan eta puntu batekin itzuliko da Donostiara.

Lehen zatia oso astuna izan zen, erritmo gutxikoa eta ia gol aukera argirik gabekoa. Murtzia izan zen baloiaren jabe, baina bi taldeek gol aukera kopuru bera izan zuten. Lehen abisua Murtziak eman zuen Isaacen jaurtiketa batekin eta zorionez zutoina urratuz kanpora joan zen. 14. minutuan etorri zen Nsueren erantzuna bere jaurtiketa langa ia ikutuz kanpora joan zelarik. Ordutik aurrera bina jaurtiketa egin zituen talde bakoitzak urrutitik, baina bietako bat ere ez zen gola sartzeko gai izan.

Bigarren zatia askoz biziagoa izan zen. 50. minutuan Bravok gelditu bikaina eman zion murtziarren jaurtiketa bati gola eragotziz eta hurrengo jokaldian Buenok sare barrura bidali zuen Songo’oren erdiraketa 0-1ekoa sartuz. Poztasunak ez zuen asko iraun talde txuri-urdinean, izan ere 58. minutuan Brunok falta jaurtiketa egin zuen eta Labakarengan jo ondoren baloia sare barrura joan zen. Partida bana berdindu zuen etxeko taldeak (1-1).

Golen ondoren, jokoa pixka bat lasaitu zen, baina azken minutuetan bi taldeek partida irabazteko aukerak eduki zituzten. Ansotegiren burukadari erantzun bikaina eman zion Eliak eta 92. minutuan Mario Rosasek gol aukera bikaina huts egin zuen. Azkenean, bana (1-1) bukatu zen partida eta Realak 45 puntu ditu.

Fitxa teknikoa:

1. Murtzia: Elía; De Coz, Iñaki Bea, Sergio Fernandez, SergioEscudero; Alvaro Mejia, Bruno, Isaac, Capdevila (Luque, 81. min);Natalio (Kike, 75. min) eta Chando (Mario Rosas, 87. min).

1. Reala: Claudio Bravo; Carlos Martinez, Ansotegi,Labaka, Mikel Gonzalez (De la Bella, 29. min); Diego Rivas, Elustondo,Nsue (Griezmann, 80. min), Aranburu (Songo''o, 46. min), Zurutuza; eta CarlosBueno.

Golak: 0-1. 51.&' || 'nbsp;M: Carlos Bueno. 1-1. 56.&' || 'nbsp;M: Bruno.

Epailea: Carlos Del Cerro Grande.

Horrela bizi izan dugu Realaren partida eitb.com-en.