Futbola

Osasunak partida gogorra izango du astelehen honetan Atletico Madrilen aurka Reyno de Navarran (21:00etan). Koltxoneroak Simeone entrenatzaile berriarekin beste itxura bat ematen ari dira eta asko hobeto dute. Bolada onean iritsiko dira zuri-gorriak Nafarroara.

Partida honetarako hainbat baja ditu Mendilibarrek. Ez dira jokatzeko prest egongo: Ibrahima Balde, Kike Sola, Roversio Rodrigues, Masoud Shojaei eta Jon Echaide min harturik daudelako. Lekicek jokatuko du hasierako hamaikakoan aurrelari postuan.

Ustezko hamaikakoak:

Osasuna: Andres Fernandez; Marc Bertran, Sergio, Miguel Flaño, Satrustegi; Puñal, Nekounam; Cejudo, Raul Garcia, Lamah; eta Lekic.

Atletico Madril: Courtois; Juanfran, Miranda, Godín, Filipe; Tiago, Mario; Arda Turan, Koke, Adrian; eta Falcao.

Epailea: Perez Montero.
Zelaia: Reyno de Navarra.
Ordua: 21.00etan.