Futbola

Osasunak Iruñean ligako aurreneko pasrtida jokatuko du, igandean 19:00etan, Bartzelona indartsuaren aurka. Lehenengo bi jardunaldietan punturik lortu gabe ez gelditzeko, mendilibarren mutilek blaugranen aurka berdinketa edo garaipena bilatu beharko dute.

Gorritxoek Riazorren 2-0 galdu zuten, baina zaleen aurrean beste aurpegi bat erakutsi nahiko dute. Iaz, Guardiolaren taldea etxean garaitu zuten, eta aurten Tito Vilanovaren taldearen aurka ezustekoa ere bilatuko dute.

Jose Luis Mendilibarrek ez du hasierako hamaikakoaren berri eman, eta Annan jokalari berria deialditik at utzi du. Bartzelonak 5-1 jipoitu zuen Reala aurreneko jardunaldian, eta Superkopan 3-2 irabazi zion Real Madrili.

Ustezko hamaikakoak:

Osasuna: Andres Fernandez; Marc Bertran, Arribas, Miguel Flaño, Damia; Puñal, Raoul Loe; Cejudo, Nino, Sisi; eta Llorente.

Bartzelona: Valdes; Alves, Puyol, Mascherano, Alva; Xavi, Busquets, Iniesta edo Cesc; Pedro, Messi eta Alexis edo Villa.