Futbola

Espainiako selekzioak asteazken honetan (20:30ean) Amerikako Estatu Batuen aurka jokatuko du Bloemfonteineko Free State Stadiumean Hegoafrikako Konfederazio Kopako lehendabiziko finalerdian. Vicente del Bosquek zuzentzen duen selekzioak pronostikoak bete nahi ditu txapelketako ezustekoaren kontra eta igandeko finala jokatu. Brasil eta Hegoafrika beste finalerdian lehiatuko dira, ostegunean.

Lehenengo fase ezin hobea egin dute Del Bosquerenek. Partida guztiak irabazi dituzte (5-0 Zeelanda Berriari, 1-0 Iraki eta 2-0 Hegoafrikari), eta golik ez dute jaso. Orain, erabateko urratsa eman beharrean dira eta Amerikako Estatu Batuen aurka egingo dute.

Estatubatuarrek ez zeuden adituen kinieletan. Brasil, Italia eta Egipto, bere multzokideak, indartsuagoak zirela ematen zuen, baina azken jardunaldiko emaitzek finalerdietarako txartela eman zion AEBei. Egiptori 3-0 irabazi zioten eta italiarrek hartutako jipoiak lau onenen artean kokatu zituen amerikarrak.

Espainia: Casillas; Sergio Ramos, Puyol, Pique; Capdevilla; Xabi Alonso, Xavi, Cesc, Riera; Villa eta Torres.

Amerikako Estatu Batuak: Guzan; Bornstein, Onyewu, Demerit, Spector; Dempsey, Bradley, Clark; Davies, Donovan eta Altidore.