Futbola

Espainiako selekzioak Hegoafrikaren aurka jokatu zuen Konfederazio Kopan hirugarren edo laugarren postuan bukatuko zuten jakiteko. Azkenean, Espainiak bukatu du hirugarren txapelketa 2.3 irabazi ondoren.

Partidako lehen zatia ez zen ona izan, aukera gutxikoa eta ondorioz, lehen 45 minutuak golik gabe bukatu ziren (0-0).

Bigarren zatian saltsa handia egon zen. Hegoafrikak hartu zuen aurrea markagailuan. Mphela izan zen golegilea 74. minutuan. Espainia saiatu zen erreakzionatzen, baina ez ziren gola sartzeko gai. Bazirudien golik sartu gabe agurtuko zela Del Bosqueren taldea, baina orduan Dani Guiza agertu zen 87. minutuan 1-1ekoa sartzeko. Bi minutu beranduago (89. minutua), Guizak berak egin zuen 1-2koa Espainiarentzat.

Poltsikoan zuen garaipena Espainiak, baina 93. minutuan Mphelak maisuki jaurti zuen falta bat eta 2-2koa ezarri zuen markagailuan luzapena behartuz.

Luzapenean, Espainia aurkaria baino gehiago izan zen eta Xabi Alonso euskaldunak 107. minutuan sartutako golak garaipena (2-3) eman zion Del Bosquek zuzentzen duen selekzioari.

Fitxa teknikoa:

3 - Espainia: Casillas; Arbeloa, Albiol, Pique, Capdevila; Cazorla, Busquets (Llorente, 80. min), Xabi Alonso, Riera; Fernando Torres (Silva, 57. min) et Villa (Guiza, 57. min).

2 - Hegoafrika: Khune; Gaxa, Mokoena, Booth, Masilela; Pienaar (Mphela, 64. min), Sibaya, Dikgacoi, Modise; (Van Heerden, 69. min) Thsabalala (Mhlongo, 83. min) eta Parker.

Golak: 0-1, 74. min: Mphela. 1-1, 88. min: Guiza. 1-2, 89. min: Guiza. 2-2, 90. min (+3): Mphela. 3-2, 107. min.: Xabi Alonso.
Epailea: Matthew Breeze (AUS).