Futbola

Real Unionek ezin izan zuen Bigarren Mailako 11. jardunaldiko partidan Elx taldea mendean hartu. Ondo hazi zen partida gipuzkoarrentzat, baina okertuz joan zen eta ez zuten konponbiderik aurkitu.

Markel Roblesek seigarren minutuan buruz sartutako golak Irungo taldea aurreratu zuen Martinez Valero futbol-zelaian (0-1). Baina jabetza eta baloia etxekoena izan zen lehen zati osoan zehar eta abagune ugariren aurrean huts egin ondoren banakoa lortu zuen Molinak 30.ean, merezita.

Molinaren bigarren golak, 48. minutuan, markagailuari buelta eman zion. Jokalari elxtarra bakarrik geratu zen berriro ere Jauregui atezainaren aurrean eta ez zuen kale egin. 11 puntu ditu Real Unionek sailkapen nagusian, jaitsiera postuetan diren Huesca eta Celta taldeek bezala.

Fitxa teknikoa:

2 - Elx: Willy, Oscar Rubio, Samuel, Marti Crespi, Raul Fuster, Juli (Carleto, 70''), Acciari, Wakaso, Santos (Saul, 44''), Trejo (Rafa Gomez, 80'') eta Molina.

1 - Real Union: Jauregi, Descarga, Iglesias, Alcala, Gurrutxaga, Juan Dominguez, Beobide (Aitor Sanz, 64''), Robles (Sergio, 78''), Abasolo, Goikoetxea (Seguro, 56) eta Brit.

Golak:

0-1, 5'': Robles.

1-1, 29'': Molina.

2-1, 48'': Molina