Futbola

Errege Kopak urtero uzten ditu ezustekoak, algarak, negarrak eta horrelako gauzak eta denboraldi honetan ez da desberdina.

Aurtengo Errege Kopan hainbat ezusteko bizitzen ari dira zaleak. Taldeak final-zortzirenak jokatzen ari dira eta ezustekoa ematea gero eta zailagoa den arren maila baxuagoko taldeentzat, daukaten guztia ematen ari da eta bat baino gehiago harrituta uzten ere.

Mirandes eta Albacete dira txanda honetan bizirik diharduten Bigarren B Mailako bi taldeak eta Alcorcon da Bigarren Mailako ordezkari bakarra. Bada, hiru talde hauek final-laurdenetan egoteko aukera asko dituzte.

Mirandesek Villareal kanporatu zuen final-hamaseirenetan eta final-zortzirenetako joaneko partidan 2-0 irabazi zion Racingi. Santanderren itzulerako partida jokatzear dagoen arren Burgoseko taldeak oso gertu ditu final-laurdenak.

Albacetek ere Lehen Mailako talde handi bat kanporatu zuen final-hamaseirenetan; Atletico Madril. Orain, Athleticen aurka ari da jokatzen final-zortzirenak eta kanporaketa zabalik dago Carlos Belmonten 0-0 berdindu baitzuten. San Mamesen jokatuko da itzulerako partida, baina 0-0ekoa ez den edozein berdinketak eta garaipenak noski, sailkapena ematen die Mantxakoei.

Bigarren Mailako Alcorcon ere fin dabil Kopan. Talde madrildarrak Zaragoza kanporatu zuen eta orain 2-1 irabazi zion Levanteri joaneko partidan. Gainera, Bigarren mailako taldea da eta diferentzia ez da horren handia.

Gainontzeko kanporaketetan denetarik daukagu. Bartzelonak ohiko moduan bideratuta utzi zuen kanporaketa Osasunari 4-0 irabazita. Real Madrilek uste baino lan gehiago egin behar izan zuen Malagari irabazteko (3-2), baina abantailarekin ekingo dio itzulerako partidari. Eta Realaren eta Mallorcaren arteko kanporaketan denetarik gerta zitekeela argi zegoen antzeko maila baitute bi taldeek. Euskal futbolaren zorionerako Realak abantaila hartu zuen joaneko partidan Mallorcari 2-0 irabazita.

FINAL ZORTZIRENAK (joaneko partidak)

Albacete - Athletic 0-0

Mirandes - Racing 2-0

Alcorcon - Levante 2-1

R. Madril - Malaga 3-2

Reala - Mallorca (2-0)
 
Bartzelona - Osasuna (4-0)

Kordoba - Espanyol  osteguna, 20:00
 
Valentzia - Sevilla  osteguna, 22:00