Futbola

Olinpiakos taldeko protagonista nagusietako bat izan zen atzo Pablo Orbaiz. Athleticeko jokalariak (Grezian lagatu gisa jokatzen ari da) partida osoa jokatu zuen eta taldeak Txapeldunen Ligan denboraldiko aurreneko garaipena eskuratu zuen. Borussia Dortmund 3-1 gainditu zuten Ernesto Valverderen mutilek Holebasek eta Djebbourrek lehenengo zatian eta Modestok bigarrenean lortutako golei esker.

Erdilari nafarrak erakustaldia eman zuen defentsan eta joko antolaketan eta zelai erdian jaun eta jabe izan zen. Orbaizek pisu handia hartu du taldean eta Valverderentzat jokalari garrantzitsua bilakatu da. Fran Yeste basauritarrak ezin izan zuen jokatu lesionatuta jarraitzen baitu.

Atenaseko taldeak bizirik jarraitzen du F multzoan atzo lortutako hiru puntuei esker. Arsenales eskuratu du multzoko lidergoa 7 punturekin eta bigarren O. Marseille talde frantziarrak jarraitzen du 6 punturekin. Dortmundeko taldeak puntu bakarrarekin jarraitzen du azkenengo postuan.