Motorra

Joan Villadelprat Epsilon Euskadiko zuzendariak Radio Vitoriako Miguel Ascenzo eta Ivan Pascualekin hitz egin du taldeak Bat Formulan parte hartzeko dituen aukerei buruz.

Amets hori bete nahi dute eta baikor agertu da Villadelprat, baina aldi berean oinak lurrean izan nahi ditu.

Epsilonek gauza asko ditu alde, horien artean Bernie Ecclestone Bat Formulako patroiaren ''''full support''''-a. Villadelpratek berak adierazi duenez Ecclestonenen kudeaketa eta USGPE talde amerikarraren aukera dira gakoak.

''''Izena eman izateak ez digu parte-hartzea ziurtatzen'''', gaineratu du Villadelpratek.

Azken hitza, FIArena

Ekainaren 12an ezagutuko da FIAren erabakia. 16 taldek eman dute izena, eta horietatik sei berriak dira. Guztira, hamahiru aukeratu behar dituzte eta albiste pozgarria izango litzateke Epsilon Euskadi horietako bat izatea.