Pilota

Juan Martinez de Irujok eta Sebastian Gonzalezek arazorik gabe aukeratu dituzte gaur Atano III.a pilotalekuan datorren asteartean jokatuko duten finalerako pilotak. Bi finalistek ez diote inolako aitzakiarik jarri Juan Mari Juaristi aukeratzailearen lanari.

Ohi bezala ikusmin handia izan da Atanon eta jendetza itzela, jaialdi askotan baino zale gehiago.

Bi pilotariak baikor agertu dira kazetarien aurrean, Biek txapela jantzi nahi dute eta biek aukerak ikusten dituzte. Euskal Telebistak zuzenean eskainiko du astearteko finala. Harmailak beteta izango dira eta aurpegi famatu ugari ere bai.