Saskibaloia

Barcelona Regalen nagusitasuna onartu du gaur Sito Alonso Lagun Aro GBCko entrenatzaileak, baina jardunaldiko ezustekoa ematea ez du baztertu.

Kataluniako talde indartsuari irabazteko "baldintza berezi batzuk" eman behar direla onartu du Alonsok. Baldintza horiek igandean ematea espero du gipuzkoarren entrenatzaileak. Azken bost partidak irabazita ilusioz gainezka dauden jarraitzaileen bultzada jasotzea espero du Alonsok.

Bartzelonaren aurrean aukerak izateko Lagun Aro GBCk defentsa hobetu beharko duela uste du entrenatzaileak. Navarro eskolta neurketan ez izateko aukeraz mintzatuko ez dela erantsi du Alonsok. Hala ere, Bartzelonaren jokoa Navarrorekin edo Navarrorik gabe beste bat dela onartu du prestatzaileak.