Saskibaloia

Derek Fisher joko antolatzailearen garrantzi handiko bi hirukoekin, eta Pau Gasol espainiarrak azken 30 segundotan sartutako bost puntuekin irabazi zuen Lakersek luzapenean Magicen aurkako NBAko Finalen laugarren neurketa.

Garaipen horrekin 3-1ko aldea lortu du Lakersek eta hurrengo neurketa irabaztekotan titulua eskuratuko luke. Igandeko hitzordua ere Orlandoko Amway Arenan jokatuko da.

Fisherrek 12 puntu baino ez zituen lortu, baina porrota saihestu zuen bi hirukoak sartu zituen. Amaierarako 4,6 segundoren faltan aurrenekoa erdietsi zuen partida berdinduz (87-87) eta luzapena behartuz.

Ondoren erabakigarria izan zen hirukoa sartu zuen eta Gasol, bost punturekin azken 30 segundotan, gakoa izan zen ere.

Fitxa teknikoa:

91 - Orlando Magic (24+25+14+24+4), Alston (11), Lee (4), Howard (16), Turkoglu (25), Lewis (6) -hasierako bostekoa-, Pietrus (15), Nelson (2), Gortat (4), Redick (6) eta Battie (2),

99 - Angeles Lakers (20+17+30+20+12): Fisher (12), Bryant (32), Bynum (6), Ariza (16), Gasol (16) -hasierako bostekoa-, Walton (6), Odom (9), Powell (2), Brown (-), Vujacic (-), Mbenga (-) eta Farmar (-).