Saskibaloia

Txus Vidorreta bilbotarrak urtebeteko kontratua sinatu du Asefa Estudiantesekin, Madrilgo saskibaloi taldeak iragarri duenez. Endesa Ligan zortzi urteko eskarmentua du Vidorretak.

"Asefa Estudiantesekin bat egitearekin oso pozik nago, nire kirol ibilbidean erreferente bat izan delako. Pribilegio bat da eta baita erantzukizun handiko lana ere", esan du.

"Gainera", erantsi du, "sustraietara itzultzea izango da, Athleticen babesean hazi naizelako, eta bi taldeek antzekotasun handiak dituztela uste dut".