Txirrindularitza

Rabobank taldeko Denis Menchov errusiarrak irabazi du Sestri eta Riomaggiore artean korritu den 60,6 kilometroko erlojupekoa. Gainera, liderraren elastikoa ere jantzi du Menchovek, gaur arte elastiko arrosa zeraman Di Lucari 1’57”ko aldea atera baitio.

Levi Leipheimer izan da bigarren Menchovengandik 20”ra, eta hirugarren postua Stefano Garzellirentzat izan da irabazlearengandik 1’03”ra iritsi ondoren.

Danilo Di Luca izan da jardunaldi honetako galtzailea, 1’57” galdu baitu Menchovekiko eta lidergoa ere galdu du. Orain Menchov da liderra, Di Luca bigarren postuan dago 20”ra eta Leipheimer dago hirugarren postuan 40”ra.

Carlos Sastrerentzat ere, eguna ez da oso ona izan. Irabazlearekiko 2’28” galdu du, eta bosgarren postuan dago sailkapen nagusian.