Txirrindularitza

Dopinaren kontrako AEBetako Agentziak (USADA) karguak aurkeztu ditu Lance Armstrong txirrindulari ohiaren aurka, dopatu izana leporatuta. Ondorioz, baliteke Armstrongek irabazi dituen Tourrak galtzea.

USADAk 15 orrialdeko txosten batean aurkeztu ditu karguak. Horietan, 1998 eta 2011 urteen artean EPOa, testosterona eta kortikoideak hartzea eta odol-transfusioak egitea leporatu diote Lance Armstrongi.

Akusazioek ondorioak izan dituzte dagoeneko: Armstrongi ez diote triatloi txapelketetan lehiatzen utziko.

Txirrindulariari 2009 eta 2010 urteetan hartutako odol laginak dituela adierazi du USADAk, eta “odola manipulatu eta EPOa erabili dela” badakiela azaldu du, Washington Post egunkariak argitaratu duenaren arabera.

Michele Ferrari mediku italiarra eta Johan Bruyneel kirol zuzendaria kasuan sartuta daudela ere azaldu du USADAk.