Txirrindularitza

Saxo Bankeko Cancellarak Astana taldearen erakustaldian zirrikitu bat aurkitu eta Frantziako Tourreko lehenengo etapa irabaztea lortu zuen denbora bikainarekin (19:32). Suitzarrak hegan egin zuen saioaren bigarren zatian.

Astana taldeak lasterketa frantziarreko talderik indartsuena dela erakutsi zuen. Johan Bruyneelek zuzentzen duen taldeak hiru gizon sartu zituen (Contador bigarren, Kloden hirugarren eta Leipheimer seigarren) aurreneko seiren artean. Alberto Contadorrek lehenengo abisua eman zion Armstrongi, hamargarren izan baitzen estatubatuarra.

Estreinako jardunaldi honetan gehien sufritu zutenak Carlos Sastre (2008ko Tourreko irabazlea) eta Denis Menchov (2009ko Giroko garailea) izan ziren, onenen denboretatik ez baitziren gertu egon.

Mikel Astarloza onena izan zen euskaldunen artean. Gipuzkoarrak 12. postuan amaitu zuen erlojupekoa.

Horrela bizi izan dugu etapa eitb.com-en.

Etapako sailkapena eta nagusia:

.1. Fabian Cancellara (SUI-Saxo Bank) 19:32
.2. Alberto Contador (ESP-Astana) 19:50
.3. Bradley Wiggins (GBR-Garmin-Slipstream) 19:51
.4. Andreas Klöden (ALE-Astana) 19:54
.5. Cadel Evans (AUS-Saxo Bank) 19:55
.6. Levi Leipheimer (USA-Astana) 20:02
.7. Roman Kreuziger (CZE-Liquigas) 20:04
.8. Tony Martin (ALE-Columbia-HTC) 20:05
.9. Vincenzo Nibali (ITA-Liquigas) 20:09
.10. Lance Armstrong (USA-Astana) 20:12
11. Gustav Erik Larsson (SUE-Saxo Bank) 20:14
12. Mikel Astarloza (EUS-Euskaltel Euskadi) 20:16
13. David Zabriskie (USA-Garmin-Slipstream) 20:19
14. David Millar (GBR-Garmin-Slipstream) 20:20
15. Jérôme Coppel (FRA-Française des Jeux) 20:24
16. Sylvain Chavanel (FRA-Quick Step) 20:28
17. Christian Vande Velde (USA-Garmin) 20:29
18. Andy Schleck (LUX-Saxo Bank) 20:33
19. Linus Gerdemann (ALE-Milram) 20:36
20. Rémi Pauriol (FRA-Cofidis) 20:37