Txirrindularitza

Pierre Rolland frantziarrak Tourreko hamaikagarren etapa irabazi du, eta honela Europcar taldeak Alpeetako bi etapa nagusiak eskuratu ditu. Thomas Voecklerrek asteazkeneko etapa irabazi zuen, eta Rollandek Alpeetako etapa nagusia lortuta erakustaldia eman du.

Faborietoen artean, Vincenzo Nibalik erasoaldi garrantzitsuak jo ditu, baina italiarra helmugara Bradley Wiggins liderraren taldean heldu da. Cadel Evansek ezin izan du faboritoen erritmoa jarraitu, eta australiarrak sailkapen nagusiko bigarren postua galdu du.

Etapako aurreneko kilometroetan 26 txirrindulariko ihesaldi handi batean sartu da Pierre Rolland, eta La Toussuireko azkenengo igoeran garaipena lortzeko Vasil Kiryienka (Movistar), Robert Kiserlovski (Astana) eta Chris Anker Sorensen (Saxo Bank) atzean utzi ditu.

Chris Froome Sky taldeko txirrindulariak bikain babestu du Bradley Wiggins bere liderra La Toussuiren, eta britainiarrak elastiko horia mantentzea lortu du. Azkenengo metroetan Froomek erasoa jo du, baina soilk bi segundoko aldea eskuratu du.

Cadel Evansek (BMC) egun kaskarra izan du, eta australiarrak sailkapeneko bigarren postuari agur esan behar izan dio. Helmugara liderraren minutu eta erdira heldu da, eta sailkapen nagusian Chris Froomek eta Vincenzo Nibalik aurreratu dute.

Haimar Zubeldia gipuzkoarra onenen artean izaten saiatu da, baina helmugara hirugarren multzo batean heldu da, 3:53ra. Sailkapen nagusian Radioschak taldekoak seigarren postuan jarraitzen du.

11. etapa:

1 Pierre ROLLAND FRA EUC 4:43:54
2 Thibaut PINOT FRA FDJ 55
3 Christopher FROOME GBR SKY 55
4 Jurgen VAN DEN BROECK BEL LTB 57
5 Vincenzo NIBALI ITA LIQ 57
6 Bradley WIGGINS GBR SKY 57
7 Chris Anker SÖRENSEN DEN STB +1:08
8 Janez BRAJKOVIC SLO AST +1:58
9 Vasil KIRYIENKA BLR MOV +2:13
10 Frank SCHLECK LUX RNT +2:23
11 Cadel EVANS AUS BMC +2:23
12 Tejay VAN GARDEREN USA BMC +2:23
13 Christopher HORNER USA RNT +3:53
14 Andreas KLÖDEN GER RNT +3:53
15 Jerome COPPEL FRA SAU +3:53
16 Haimar ZUBELDIA AGIRRE ESP RNT +3:53

26. MARTINEZ Egoi EUSKALTEL - EUSKADI + 12' 04''
67. AZANZA SOTO Jorge EUSKALTEL - EUSKADI + 25' 43''
68. IZAGUIRRE INSAUSTI Gorka EUSKALTEL - EUSKADI + 25' 43''
86. URTASUN PEREZ Pablo EUSKALTEL - EUSKADI + 29' 32''
122. PEREZ MORENO Ruben EUSKALTEL - EUSKADI + 33' 20''

Sailkapen nagusia:

1. WIGGINS Bradley SKY PROCYCLING 48h 43' 53''
2. FROOME Christopher SKY PROCYCLING + 02' 05''
3. NIBALI Vincenzo LIQUIGAS-CANNONDALE + 02' 23''
4. EVANS Cadel BMC RACING TEAM + 03' 19''
5. VAN DEN BROECK Jurgen LOTTO-BELISOL TEAM + 04' 48''
6. ZUBELDIA Haimar RADIOSHACK-NISSAN + 06' 15''
7. VAN GARDEREN Tejay BMC RACING TEAM + 06' 57''
8. BRAJKOVIC Janez ASTANA PRO TEAM + 07' 30''
9. ROLLAND Pierre TEAM EUROPCAR + 08' 31''
10. PINOT Thibaut FDJ-BIGMAT + 08' 51''