Musika

Michael Joseph Jackson 1958ko abuztuaren 29an Garyn (Indiana) jaio zen. Artista bederatzi anai-arreben arteko zazpigarrena da. Abeslariak musikarako trebetasuna eta tradizioa familian jaso zituen, izan ere, bere aita musikari afizionatua zen eta gitarra elektriko bat zuen. Instrumentua jotzea debekatua zuten arren, anaia-arreba zaharrenak aita etxean ez zegoenean erabiltzen hasi ziren eta joko bat zena afizio bilakatu zen.

Horrela, Josephek bere lau semerekin banda bat sortu zuen: Tito, Jackie, Jermaine eta Marlon. Michaelek bost urte besterik ez zituenean, eta bere amak bere aita konbentzitu ostean, Jermaine bere anaia ordezkatu zuen eta taldeko abeslaria bihurtu zen. Hasiera batean, bandak Ripples &' || 'amp; Waves izena jaso zuen, ondoren Ripples &' || 'amp; Waves Plus Michael eta, azkenik, Jackson familia mundu osoan ezagun bilakatu zuena aukeratu zuten: The Jackson Five.

1968an, boskoteak Motown Berry Gordy diskoetxerako entzunaldi bat egin zuen eta horri esker, 1969ko urrian, Jackson Five taldeak "I want you back" bere lehen singlea kaleratu zuen. Aurrekaririk gabeko arrakasta horren ostean, "jacksonmania" sortu zen.

Fan fenomenoa

Bakarkako ibilbideari ekitea erabaki zuen Michaelek 1972an eta, horretarako, Got to be there albuma argitaratu zuen. "Ben" abestiak, izen bereko filmeko kantua izan zenak, artistaren ospea finkatu zuen ahots melodikoko abeslaria bezala. Hala ere, boskotearen anbizio artistiko handiago batengatik eta disko bakoitzarengatik jasotzen zuten diru-kopuru eskasagatik diskoetxearekin tirabirak izan zituzten eta, ondorioz, Motwonekin kontratua desegin eta Epic Recordsekin berria sinatu zuten. Horrela argitaratu zituzten beraien hurrengo hiru lanak: The Jacksons (1976), Going places (1977) eta Destiny (1978).

Bitartean, Michaelek bere bakarkako ibilbidearekin jarraitu zuen eta 1979an Off the Wall kaleratu zuen, honekin lortu zuen gainera nazioarteko ospea. Lan horren salmentak bikainak izan ziren eta, horrez gain, artistak bere lehen Grammy saria jaso zuen: "Don´t stop ''til get enough" kantuarekin rhythm &' || 'amp; blues abeslari onenaren kategorian, hain zuzen ere.

Thriller

Michael Jacksonen arrakasta handiena 1982an iritsi zen. Thriller, zalantzarik gabe, musikako klasiko handietako bat izango da betirako. Gainera, abeslaria ikuskizuneko izar handi batean bilakatu zuen. Horren adibide da Hollywoodeko Ospearen Pasealekuan bi izar lortu zituen lehen artista izan zela. Hala ere, arrakasta hori, neurri handi batean, albumari izena ematen dion bideoklipari esker izan zen. Film laburrak 13 minutu baino gehiagoko iraupena zuen eta John Landisek zuzendu zuen. Orain, album honen moldaketa egiten ari dira antzerki musikala Broadwayen estreinatzeko.

Baina Jacksonen ibilbideak ongintzazko ekimenak aurrera eramateko ere balio izan du. Horrela, Lionel Richierekin eta momentuko beste artista batzuekin grabatutako USA for Africa (1985) diskoari esker, hain zuzen ere, Afrikan gose direnak laguntzeko milioika dolar jaso zituzten.

Bi urte beranduago, Bad jarri zuen salgai dantzariak, Moonwalk izeneko biografia batekin, Moonwalker pelikularekin eta zenbait film laburrekin batera.

Beltza edo zuria

Black or White singlea 1991ko azaroan azaldu zen Dangerous lanaren aurrerapena bezala. Kantu horren bideoclipa orain arte historian egin den garestiena izan zen. Izan ere, bere grabaziorako efektu informatiko berritzaileak erabili zituzten.

Lau urte beranduago HIStory: Past, Present and Future – Book I iritsi zen. Lanak historiako album bikoitz salduena izatea lortu zuen: lehenengoak bakarlari bezala izandako arrakasta handiak biltzen zituen eta bigarrenak, berriz, abesti berriak. Gainera, 1993an adingabeen abusuaz akusatu zutenetik kaleratu zuen lehenengoa izan zen. Diskoaren adierazgarri nagusia kritika soziala da.

1997an Blood On The Dance Floor argitaratu zuen, bost abesti berri eta zortzi remix gordetzen zituen lana. Oraingoan ere, zazpi milioi disko baino gehiago saldu ondoren, albuma ordura arteko salduena izan zen.

Milurteko berriarekin, 2001ean, Jacksonek musika munduan zeramatzan 30 urteak ospatzeko lan berri bat kaleratu zuen. Proiektu berri horren izena Invincible izan zen eta bere salmentak ez ziren espero zirenak izan. Izan ere, aurreko lanetakoak baino baxuagoak izan ziren eta artista bere orduko diskoetxearekin, Sonyrekin, tirabirak izaten hasi zen. Horregatik, diskoa atera eta bi hilabetera bere promozioa bertan behera uztea erabaki zuen.

2003an, Jackson abusu sexualaz akusatu zuten berriz ere. 2005eko ekainean errugabetzat jo zuten, baina arazoak ez ziren orduan amaitu. Izan ere, 2006ko martxoan, agintariek Neverland bere arrantxoa ixtea agindu zuten. Bertsio ofizialak bere langileei soldata ez ordaintzeagatik izan zela zioen, baina askok polizia adingabeekin zituen harremanen frogak bilatzen ari zela esan zuten.

Krisia gainditu

Bere ospearen jaitsieraren ostean, Michael Jacksonek duela bi hamarkada zuen fama berreskuratzea zaila izango duela uste dute askok. Egoera xamurtzeko, 2006an, artistak bere hogei singlerik eta bideorik onenak biltzen zituen lan bat argitaratu zuen: Visionary - The Video Singles.

Thriller diskoak, historian gehien saldu den albumak, 25 urte bete zituenean, Michaelek edizio berezi bat kaleratu zuen. Horrela, 2008ko otsailean, Thriller: 25th Anniversary Edition salgai jarri zuten. Bildumak disko originaleko bederatzi abesti, sei kantu berri, bideoak eta zuzeneko emanaldi bat gordetzen zituen.

Urte horretan bertan, baina abuztuan, eta oraingo honetan bere berrogeita hamargarren urtebetetzea zela eta, Jacksonek King of pop plazaratu zuen. Diskoak bere bakarkako ibilbidean izandako arrakastez gain, Jackson Five bandarekin izandakoak ere biltzen zituen. Hala ere, bilduma horretan azaltzen ziren kantuak bere jarraitzaileek aukeratutakoak izan ziren.

Itzulera

Joan den martxoan, Jacksonek Londresko 02 Arenan hamar kontzertu eskainiko zituela adierazi zuen eta bere jarraitzaileak eta mundu osoko komunikabideak txundituta utzi zituen. Azkenean, eskaera handia izan dela eta, emanaldi kopurua berrogeita hamarrera igo da. Zuzenekoen agenda hau datorren uztailean hasiko da eta zenbait astetan luzatuko da.

Zenbait argitalpenek adierazi dutenaren arabera, Jacksonek 400 milioi dolar baino gehiago irabazi ditzake aurretik aipatutako kontzertuak, kantu berrien grabazioa eta pelikularen bat biltzen dituen akordio bat betetzen badu, horrela adierazi zuen Randy Phillips bere ekoizleak.