Kultura

'Chips y Ron', izen hori du, Euskal Herriko Pintxo Txapelketa irabazi duen mokaduak.

Lehia bizian aritu dira azken hiru egunotan, Hondarribiko Itxas Etxean, Gipuzkoa, Araba eta Nafarroako 80 taberna eta jatetxe. Bakoitzak pintxo bana aurkeztu behar zuen eta azkenik, Iñaki Rodaballo, Gasteizko izen bereko tabernako sukaldariak irabazi du, esan bezala, 'Chips y Ron' pintxoarekin.

Izen hori du, besteak beste, patata, txipiroia eta ron tanta batzuk nahasten dituelako. Esan beharra dago Iñaki Rodaballok bigarrenez irabazi duela Euskal Herriko Pintxo Txapelketa.