Kultura

Etxeko txikien eguna izan da Durangoko Azokaren 46. edizioko bigarren jardunaldia. Idazle eta musikari gehiago hurbildu dira Landakora, tartean Toti Martinez de Lezea eta Jon Arretxe idazleak eta Mikel Urdangarin musikaria. Ahotsenean, besteak beste, Sparteens eta Fiacrhas taldeen zuzenekoak izan dira ikusgai.

Baina, dudarik gabe, eskola ikasleak izan dira asteleheneko protagonistak Azokan. Irakasleekin batera, liburuak eta diskoak bertatik bertara ezagutzeko aukera izan dute.

Azoka hasi baino ez da egin, ordea. Asteartea jai eguna dugu, eta salmentek gora egitea espero dute argitaletxeek.