Kultura

Berlingo Guggenheim Museoa 2012ko amaieran itxi egingo dutela iragarri du gaur Deutsche Bank-ek (galeriaren bazkidea da Alemaniako hiriburuan). Guggenheim Fundazioak izen bereko bost museo ditu munduko beste hainbat hiritan.

Deustche Guggenheim 1997. urtean inauguratu zuten. Banku ospetsuaren eta Guggenheim fundazioaren arteko elkarlanari esker ireki egin zuten eta, azken hamarkadan 57 erakusketa bildu ditu. 1,8 milioi bisitari lortu ditu museoak Alemaniako hiriburuan.

Bankuaren eta fundazioaren arteko akordioa 2012ko amaieran bukatuko da eta, horren ondorioz, erakusketa-aretoa ixtea erabaki dute. Hala ere, "lankidetzarako" beste plan batzuk badituztela jakinarazi du bankuak.

2012rako aurreikusitako erakusketak mantendu egingo dituzte.
Fundazioak bost museo ditu: Bilbo, Berlin, New York, Venezia eta Abu Dhabi (azken hau eraikitzen ari dira).