Zinema Euskaraz

Laburpena: 1938an, Saturrarango emakumeen kartzela Espainiako Gerra Zibilean jazotako ankerkeriarik basatienaren lekuko izan zen. Victoria, errepublikar baten alarguna, ahizpa eta semearekin batera sartu dute kartzelara eta gertutik ezagutuko du Gerra Zibilaren atalik ilunena. Victoria eta gainerako emakume presoak erregimen frankistak ezarritako zentzugabekeriaren lekuko zuzenak izango dira.Saturrarango emakumeen kartzela mesedetako mojen ardurapean dago eta 'Pantera Zuria' da espetxeko zuzendaria. Vallejo doktorearen teoriei jarraituz, emakume presoei haurrak kenduko dizkie, erregimenaren aldeko familien esku uzteko, 'Espainiaren onerako' dela argudiatuz, eta emakume presoen bizitza amesgaizto bihurtuz. Emakume gatibuak goseak hiltzen, bortxaketak, irainak eta tratu txarrak... Saturraran armada frankistako soldaduen burdel partikularra da. Horixe aurkituko du Victoriak kartzelan. Semearen galerak eta etsipenak bultzatuta, Victoriak aurre egingo dio 'Pantera Zuriari' gainerako presoekin batera. Zigorrak eta irainak jasango ditu, ihes egiten saiatuko da, baina azkenean egoera horretan bizitzen ikasiko du, semea berreskuratuko duen itxaropenaz. Izan ere, guztia galdu dugunean, itxaropenak soilik salba gaitzake.

Filma ikusi