Gertakari paranormalak aztertzen dituen istorio misteriotsu hau The Blair Witch Project film arrakastatsua gainditu nahian dabil. Pasa den asteburuan 20 miloi dolar lortu ditu filmak Ameriketako Estatu Batuetan.

Iragan asteburuan Where The Wild Things Are izan da Ameriketako Estatu Batuetako zinema-aretoetan ditu gehien bildu duen filma 32 miloi dolar eskuratuz (21,4 miloi euro). Bigarren film arrakastatsuena, berriz, 21 miloi dolarrekin (14 miloi euro) Law Abiding Citizen izan da. Paranormal Activityk, hirugarren postua lortu du. Honen atzetik gelditu dira 18 miloi dolar (12 miloi euro) bildu dituen Copules Retreat komedia, 12 miloi dolar (8 miloi euro) eskuratu dituen The Stepfather filma eta 8 miloi dolar (5,3) lortu dituen Cloudy with a Chance of Meatballs filmak.

Spielberg ikaratu zuen filma

2007an filmatu zen, baina soilik 15.000 dolarretako aurrekontua izan zuen. Grabatu eta hilabete batzutara filma jaialdi ezberdinetan aurkeztu zen, eta 2008an Slamdance Jaialdian Steven Spielberg eta Paramountek begiz jo zuten. Berehala, remake bat egiteko asmoz, pelikula eta honen eskubideak erosi zituzten. Orduantxe hasi zen pelikularen benetako ibilbidea.

Akordio batera heldu ziren Oren Peli filmaren zuzendariarekin bere filma remaketu zezan, hori bai, aurrekontu handiagoarekin eta baliabide gehiagorekin. Hala ere, Spielbergek froga gisa ikuslegoaren pase bat egitea eskatu zuen, eta 2008ko martxoan egin zen pase hori Burbanken. Erantzuna bikaina izan zen, ikusle askok ikara zela medio, emanalditik irten beharra izan baitzuen. Azkenik, bertsio originala estreinatzea erabaki zuten.

Paramountek arriskurik ez izateko, eskaeraren araberako distribuzio estrategia bat asmatu zuen, eta euren web orrialdean jendea norberaren herrian filma ikusteko eskaria egiten joan den heinean, konpainia zinema aretoen sarea zabalduz joan da. Dagoeneko Ameriketako Estatu Batuetako zinema aretoetan naturaz gaindiko fenomeno bilakatu da filma.

Beldurrezko edukia

San Diegora joan zen bikote gazte baten istorioa kontatzen du filmak, eta etxe berrian deabruaren presentzia sumatzen dute. Gertakari arraroekin ikaraturik, bikoteak inguruan gertatzen den guztia kamera batez grabatzea erabakitzen du, baita gaueko eszenak ere. Gazteen logelan pasatzen diren gertakariekin urduritasuna gehituz joango da filma aurrera egiten duen bitartean, eta bihotzeko arazoak dituen pertsona orok ikustea komeni ez den amaiera izango du filmak.

Sare sozialetan kritikak

Filmeei bultzada emateko asmoz Twitter eta Facebook bezalako sare sozialak geroz eta gehiago erabiltzen dira Hollywooden. Twitterren agertzen diren iruzkinen bidez pelikula bat ona edo txarra den jakin daiteke.

Paramount Picturesek 160 zinema aretotan Paranormal Activity kaleratu baina bi egun lehenago, Fizziology web orrialdeak linean iragartzen ari ziren beste hainbat pelikulak baina arrakasta handiagoa izaten ari zela eman zuen aditzera. Luna nueva, Crepusculo filmaren bigarren atalak baino gehiago, besteak beste.

Hasiera batean film honen alde gutxik egiten bazuten, Ameriketako Estatu Batuetako biztanleriaren erdia jada ikaratu du film honek. Espainia osoan film hau estreinatzea bada zuen nahia, Paranormal Activityren webgune ofizialean botua eman dezakezu, 200.000 eskaritara iritsiz gero, banaketa-etxeek herrialdeko hiri guztietan filma estreinatzeko konpromezua hartu baitu.