Zinema

Zinema-aretoetako esetreinaldiak egun bat aurreratuko dira aste honetan. Asteburu luzea izango dugu eta zinema-aretoetako proposamenak egun bat lehenago heldu dira.

Hamaika urteren ostean, Toy Storyren bigarren zatia gure zinema-aretoetara heldu da, kaus honetan 3D bertsioan. Andy udako kanpaleku batera doa, baina bitartean, jostailu bildumagile batek Woody cowboya lapurtu nahi dio.

Denzel Washington asteko beste protagonistetako bat da, El libro de Eli filmarekin. Amaierako gerraren ostean, garai batean Estatu Batuak izan ziren lurraldean bidaiatzen da. Hiriak hutsik daude eta autobideak apurtuta:&' || 'nbsp;ez dago zibilizaziorik ezta legerik ere. Denzel Washington mundu berri honetan bizirauten saiatuko da eta Carnegieri (Gary Oldman) aurre egin beharko dio. Horren adopziozko alaba Elirekin maiteminduko da.

Jim Sheridan Irlandako zinemagileak -Mi pie izquierdo, En el nombre del padre- Tobey Maguire, Jake Gyllenhaal eta Natalie Portman aktoreak zuzentzen ditu Brothers filman. Sam (Maguire) AEBetako soldadu bat da eta Gracekin (Portman) dago ezkonduta eta bi alaba ditu:&' || 'nbsp;talibanek hartzen dute Afganistanen eta hiltzat ematen dute. Tommy bere anaiak familiaren kargu hartzea erabakitzen du eta Grace eta bere artean sentimenduak sortzen dira. Sam etxera bueltatzen denean, tentsioak gora egiten du.

Espainiako bi estreinaldi

Oskar Santos zinemagile bilbotarrak El mal ajeno bere lehen filma aurkeztuko du. Thriller dramatiko bat da eta besteak beste, Eduardo Noriega, Belen Esteban, Angie Cepeda edo Jose Angel Egido dira protagonistak. Diego (Noriega) mediku bat da eta bere lanbidea dela eta, muturreko egoeretara dago ohituta. Ez du minik sentitzen eta familiatik aldentzen da. Lapurreta batean zauritzen dute eta bere bizitza goitik behera aldatzen da.&' || 'nbsp;

Miguel Angel Lamata -Una de zombis- zinema-aretoetara itzuli da Tension sexual no resuelta komediarekin. FeleMartinez, Amaia Salamanca, Adam Jezierski, Norma Ruiz, Pilar Rubio,Miguel Angel Muñoz, Joaquín Reyes, Salomé Jiménez edo Samuel Miro aktore ezagunek hartzen dute parte, Santiago Seguraren ekoizpenarekin. Celestek (Jimenez) Juanjo (Martinez)&' || 'nbsp;utzi du, baina mutilak ez du azalpenik aurkitzen. Horrela, pertsonaia ezberdinak biltzen dituen istorioa sortzen da.