Zinema

ZINEBI Bilboko Zine Dokumental eta Laburmetraia Nazioarteko Zinemaldiaren 52. edizioak aurtengo irabazleen izenak ezagutzera eman ditu. Aurten, bi filmek jasoko dute jaialdiaren sari nagusia: Letoniatik datorren Jurgis Krasonek zuzendutako Norit Krupi ekoizpena, eta Banu Akseski belgikarraren Thermes zinta. Bi film hauek, gainera, Animazioko Urrezko Mikeldi Saria eta Fikziozko Urrezko Mikeldi golardoa, hurrenez hurren, irabazi dute.

Euskal ekoizpenak ere arrakasta lortu du Bilboko zinemaldi honetan. Zentzu honetan, Asier Altunak zuzendu zuen Artalde film laburrari Espainiako Zinemaren Sari Nagusia eman diote. Era berean, Mikel Rueda euskal zinemagileak golardo bikoitza eskuratu du, Cuando corres film laburrari esker: Publikoaren eta UNICEF Saria.

Sari banaketa

Larunbat gauean banatu dituzte 52. edizioaren sariak. Aurten, Nicolas Roeg zinemagile britaniarrari eman diote Ohorezko Mikeldi golardoa. Osasun arazoak direla eta, ezin izan du Bilbora etorri saria jasotzera. Hori dela eta, aktorea ere den Harriet Harper bere emazteak jaso du saria bere izenean.

Gainontzeko irabazleak

EUSKAL ZINEMAREN SARI NAGUSIA
Birdboy (Euskadi), Pedro Rivero eta Alberto Vázquez

ANIMAZIOKO ZILARREZKO MIKELDI SARIA
Babel (Frantzia), Hendrick Dusollier

DOKUMENTALETAKO URREZKO MIKELDI SARIA
Miten Marjoja Poimitaan (Finlandia), Elina Talvensaari

DOKUMENTALETAKO ZILARREZKO MIKELDI SARIA
Blue sky. Dark bread (Errusia), Ilya Tomashevich

FIKZIOZKO ZILARREZKO MIKELDI SARIA
Les variations Dielman (Espainia), Fernando Franco

ZILARREZKO KARABELA LATINOAMERIKAKO FILMIK ONENA
Los minutos, las horas (Kuba), Janaína Marqués Ribeiro

EGILE ETA EDITOREEN ELKARTEAREN ETA EUSKAL HERRIKO GIDOIGILEEN ELKARTEAREN SARIA EUSKAL GIDOIRIK ONENA
Birdboy (Euskadi), Pedro Rivero eta Alberto Vázquez
Arditan (Euskadi), Egoi Markaida

UNICEF SARIA
Ring ring (Bolivia), Fred Núñez eta Mónica Heinrich

CINE CLUB FAS SARIA
Daissy Cutter (Euskadi), Enrique García eta Rubén Salazar